اأقوى عروض الشتاء في السودان
ادفع 2 جنيه ( ثمن القهوة ) واحصل على اخر الاخبار المحلية والعالمية ,عبارة عن كوكتيل من الاخبار السياسية والرياضية والاجتماعية والاقتصادية
مع مختصين في مواضيع الإلهاء وتغيير سير الونسة من مجال الي الآخر والربط بين المجالات
وما يفوتك المختص الكوميدي قائلاً لست الشاي : ( اعمل لي جبنة قهوة تقيلة زنجبيل تقيل هبهان الف ، وما تلخبطيهم آآآآآآ ، ده مواصفات عالمية .. (ده منو في العالم ده بشرب كده يااااااخ )
- خدمة يا حنان الأم (waiting)
ده طبعاً خدمة مجانية للمشترك صاحب اكبر عدد من الأصدقاء المواسير (ده بالجد العرض الجنن العالم )
...
طبعاً ده عارفنا
في الصباح الباكر وقت المواصلات تجي مليانة - والهوا ضارب ضربة شديدة - ما مليانة سودانيين مليانة حبش ام كده زاتووو.
اظرف حاجة تطلع الصباح بدري في عيد الاستقلال وتدخل الحافلة تلقاها مليانة حبش ، بتكلم مع نفسي انا اجنبي ممكن اطلع لكن انتو اسياد بلد المطلعكم شنو - والهوا ضارب ضربة شديدة - تلقى اقرب واحد ليك ما بتعرفو يونسك وتونسو يولع في السيجارة ويرجعك الى احلى ايام ، تتعرف على كل القاعدين في الموقف كلهم - والهوا ضارب ضربة شديدة - لمن تفكر ترجع البيت وقتها بس تلقى ليك شماعة فاضية وهنا يادووووووب الهوا حيضربك ضربة لمن ما تفهم حاجة .
