نارٌ وستار ..

وقبل ان يسدل الستار عن املٍ واعد..
كان بقربه شمعة الواقع ..
فيتعلق ذلك الواقع في الامل ..
تلك الاطراف المزركشة في الحلم ..
تعانقت مع الشمعة ..
لم تعرف الغدر ولا الذل ولا المهانة ..
ولا تعرف معنى التثبيط ولا الانحلال تلك الشمعة لديها من فنون التعذيب ما هو ليس بالقليل..

ستارٌ فاخر باجود الاقمشة حُيك ..
ولكن في مصنع بعيداً عن معتمل النار اللاسعة ..
ستارٌ مزهو بالوانه و رونقه وبتفاصيله الدقيقة ..
وتلك الشمعة تذوب من تأنيب الضمير ..
تئٍد الاحلام ..
ترمٍل الطموح ..
وتُيتم الشعوب ..

ولكن لا يُسأل القاتل لم قتل القتيل ؟!
لان القتيل ليس بالشئ العظيم لهم ..

كطفلٍ أُجهض في الشهر الرابع ..
لا مناحة لا تذرف الدموع لاجله لا يقام العزاء ..
فقط أُمه هى التي تكتوي بالنار ..

نار ؟! اذن هنالك واقع وهناك ستار ..
عذاب ؟! اذن هنالك معتركٌ في الابدان ..

تضرم النار في الهشيم وعلى الدنيا السلام !!

الزيارة

زارني طيفك ذات مساء ..
بُحت له بما فعل القضاء ..
وعن علاقتنا التي تدرج تحت مسمى الاصدقاء..
وعن حبيبٍ اضحى مجرد شئ من الاشياء ..
فانحصر في زاوية الفضاء ..
واجهش بالبكاء ..
فوقفت فوق رأسه في ازدراء ..
وحدثته باني لا ارتكب الاخطاء ..
فلتخبرك بما فعل الجهلاء ..
فلا عهود ولا مواثيق تبرم في الصحراء ..
فانا ارض بور ولزم عليها ان تحب الشقاء ..
ولكنها لا تعلم ان الارض لا تستصلح في الشتاء ..
لنزيح كل اغلفة العقلاء ..
ولنؤمن بعدل السماء ..
فهنيئاً لمن قدم بعدي من الخلفاء ..

موطن

كضب القال انُ الارض بقيسوها بعدد امتارها ..
ارضاً ما تتاقل بكنوز الدنيا بتتاقل باحبابها ..
ارض قومنا واتربينا فوق اطرافها ..
وفي جنباتنا كم عزيزاً اتوارى تحت احضانها ..
تشيل ..تشيل ..دمعات افراحنا واحزانا ..
لا يوماً اتذلينا فوقها ولا كان فوقها مهانة ..
اصلو المحاسن منك وروعة جمالك ديمة يطرانا ..
ما بنرضى بديلاً ليك اكان ابيتينا.. نحن اصلو ما بنتغابا العرفة فيك ..يا انتٍ سامعانا !! ..

ارض المحنة وجدودنا وتيراب اهل بتقاليدها واعرافها ..
سموك وطن سموك بلد سموك ارض ..ونسو يسموك عشق ..اريتنا نبقى احبابها وعشاقها ..
اصلو اللسان بنحلّ طواااالي لمن يٍدُور يتكلم فوقها ..

الوليد

ودقّ الفرح بابي ورجاني
وانا مهوم وراقد وسط الاهل

*واقف منتظر ..والخلق تشهد*

فرحان بعزومة البنية المالكة كل كياني
مخطوبة لدكتور مغترب
وانا عاطل ما فيني فايدة غير الضراع
اشيل واعتل كل الحلل وشوية صواني
مقهور في داخلي ولابس البسمة علي الشفاه

*والحظ لسه واقف منتظر*

منتظر لمتين تتفرق الجموع
يقعد يقرقر ويدني شوية كفوف
فوق من الحلم والوهم البعيد
وشوف الراسمو ليك الله في الطريق

*والحظ وقف واتلفح بتوب الحكيم*

قال لي بحالك الشايفو فيك
عشرين سنة من هنا
عشرين سنة من هنا
اصلو ما تبقى زول ما تبقى زول
كان عاجبك اقبل كان تطق
اصلو الفرح ليك ما يكون صديق
وانا هناك في ركن البيت حزين

*الحظ فتح طاقة الامل*

باكر عمل باكر شقى وبعدو احصد ثمرة المشتهى
اصلو كان ترجى من زول انو ينفعك
راجي السراب راجي الوهم
يشيل حجرك ويغطسك
وتكيل التراب وتكيل العذاب

*واتسرب الحظ واتلاشى في ضوء الصباح*

لازم تقوم تنفض غبار الكسل
وتيلف المخ كان بصابونة غسيل
وتدهن كركار الفكر للوصال
وتلبس شياكة وقيافة الغزال
ممشوق قوامك وفيك كل الآمال

*افتش لي وظيفة والحظ ابتعد*

ماسكاهو خوفة وايدينو بترتعش
لا حظ لا واسطة ولا شهادة
سكن الخوف جواهو واترعب
وفي لحظة صمت الكلام
اتذكر ..
اتذكر شهادتو في البيت نساها
والقلب طار واترعب
وشهادة اخير انعداما
بطلعان الروح جابها
شايل فيها كمية مواد
اصلو العمل مع العلم شوية حار

واتوجه على الباب عٍدل
دخل المعاينة بقلباً شجاع
اصلو ما عندو حاجة يخسرها
وقال كان ما نفعنا ما بضرنا

*الحظ كان لازم يحضرها وبهدوء شديد جلس من بعيد*

وبعدها انهالت على الشاب بعض الاسئلة
في التخصص وفي اللغة
في الشريعة والاقتصاد
في داعش وفي حكم رمي المحصنات
في الرياضة وفي نظم الكلام

*الحظ قٍلق ..*

والشباب يمطر من العرق
قال ليهم : يا ناس انا اكيد قدمت بالغلط
اكيد ده وظيفة مرموقة في البلاد ؟!
انا  قدمت لحتة وظيفة في اي حتة كان اقصى البلاد
وضحك العُجاز عاوزين يهبلو بالوليد !!

*وفجأة*

واحد من العجاز كسر جدية المكان
وقال ده سياسة لازم تتعمل
لازم نخليك تحت الضغط
كان تنحني كان تتكسر

سكت الوٍليد لحظات وبعدها رد
ان اصلي جايكم كسير
جايكم وفوقي كفاية من الحٍمٍل
قشة وكسّرت ظهر البعير

قام واعتدل
وفي اناقة اعتذر
معليش يمكن جيت غلط ..معليش يمكن جيت غلط

#يتبع ..